Worksets: إزاي فريق كامل يشتغل على ملف Revit واحد من غير ما حد يبوّظ شغل التاني
فريق الأكاديمية ·
لما المشروع يكبر، مينفعش كل واحد يشتغل على ملف لوحده وتجمّعوا في الآخر. الحل في Revit هو Worksharing.
الفكرة:
- Central Model على السيرفر أو الكلاود: ده المرجع الأساسي.
- كل مهندس بيفتح Local Copy على جهازه ويشتغل عليها.
- Synchronize with Central بيرفع تعديلاتك ويجيب تعديلات الباقيين.
خطوات التفعيل:
- Collaborate ← Worksets، وده بيحوّل الملف لملف مشترك.
- اعمل Worksets حسب التخصص أو الجزء، زي Architecture وStructure وMEP وLinks.
- Save As، ومن Options علّم Make this a Central Model.
- كل واحد يفتح الملف من مكانه ويتأكد إن Create New Local متعلّم عليها.
عادات بتوفر مشاكل:
- اعمل Sync كل ساعة تقريبًا، وقبل ما تقفل.
- متمسكش Workset كامل لنفسك (Editable) طول اليوم. اشتغل بالـ Borrowing، وسيب العناصر بعد الـ Sync.
- حط الملفات المربوطة (Links) في Workset لوحدها، عشان تقدر تخفيها وتفتح الملف أسرع.
